آرمی چیف کا دورہ سیالکوٹ گیریژن، ورکنگ بائونڈری کی صورتحال پر بریفنگ
اسلام آباد (سٹاف رپورٹر) چیف آف آرمی سٹاف جنرل قمر جاوید باجوہ نے گزشتہ روز سیالکوٹ گیریژن کا دورہ کیا۔ آئی ایس پی آر کے مطابق اس موقع پر انہیں ورکنگ بائونڈری کی صورتحال اور آپریشنل تیاریوں کے بارے میں بریفنگ دی گئی۔ آرمی چیف نے گیریژن افسروں اور جوانوں سے بھی ملاقات کی۔ انہوں نے متعدد خطرات کے پیش نظر مادر وطن کے دفاع کیلئے ان کے عزم اور پیشہ ورانہ مہارت کی تعریف کی۔ اور ان کے ناقابل شکست جذبہ اور عمدہ مورال کو سراہا۔ کور کمانڈر لیفٹیننٹ جنرل عاصم منیر نے آمد پر ان کا خیر مقدم کیا۔
