سانحہ ساہیوال کے معاملے پر جوڈیشل انکوائری نہ کرانے کا اقدام لاہور ہائیکورٹ میں چیلنج کر دیا گیا۔درخواست میں موقف اختیار کیا گیا ہے بچوں کے سامنے نہتے والدین کو قتل کر دیا گیا، حکومت کو جوڈیشل انکوائری کیلئے کمیشن تشکیل دینا چاہیے تھا، حکومت جے آئی ٹی بنا کر بری الزمہ ہوگئی۔دوسری طرف سانحہ ساہیوال پر ڈسٹرکٹ بار اسلام آباد کی جانب سے ہڑتال رہی ، وکلا نے عدالتی کارروائی کا بائیکاٹ کیا جس سے سائلین مشکلات سے دوچار ہیں۔ ڈسٹرکٹ بار ایسوسی ایشن راولپنڈی میں بھی وکلا عدالت میں پیش نہ ہوئے۔پشاورہائیکورٹ بارسمیت ڈسٹرکٹ بار کی بھی ساہیوال واقعہ پر ہڑتال ہے جس کی وجہ سے عدالتی سرگرمیاں معطل ر ہیں۔ خیبرپختونخوا بار کونسل نے واقعے میں ملوث افراد کے خلاف کارروائی کا مطالبہ کیا ہے۔اٹک میں ڈسٹرکٹ بار ایسوسی ایشن میں وکلا نے سیاہ پٹیاں باندھ کر احتجاج کیا، ساہیوال واقعہ میں ملوث افراد کو کیفر کردار تک پہنچانے کا مطالبہ کیا۔ رحیم یار خان میں بھی سانحہ ساہیوال کے خلاف ڈسٹرکٹ بارایسوی ایشن میں وکلا نے ہڑتال کی، ہڑتال کے باعث سائلین کو مشکلات کا سامنا رہا.
بول کہ لب آزاد ہیں تیرے … یاد نہیں دلائوں گا
Mar 18, 2024