آئی سی سی ویمن کرکٹ ورلڈ کپ کوالیفائر ٹیم کا اعلان ‘فاطمہ ثناء کپتان مقرر 

لاہور(سپورٹس رپورٹر)آئی سی سی ویمنز کرکٹ ورلڈکپ کوالیفائر ٹیم آف دی ٹورنامنٹ کا اعلان کردیا گیا ہے، جس کی کپتان پاکستان کی فاطمہ ثنا کو مقرر کیا گیا ہے۔ اس ٹیم میں چار ممالک کی کھلاڑی شامل ہیں جن میں پاکستان سے منیبہ علی، نشرہ سندھو اور سعدیہ اقبال بھی موجود ہیں۔ بنگلادیش کی شرمین اختر اور نگار سلطانہ، ویسٹ انڈیز کی ہیلے میتھیوز،  عالیہ علین اور شنیل ہنری جبکہ اسکاٹ لینڈ کی کیتھرین برائس اور کیتھرین فریزر شامل ہیں۔ بنگلہ دیش کی رابیعہ خان اسی اعزازی ٹیم کی ریزرو پلیئر ہوں گی۔خیال رہے کہ آئی سی سی ویمنز کرکٹ ورلڈکپ کوالیفائر لاہور میں منعقد ہوا، جہاں قومی ٹیم نے اپنے تمام میچز جیت کر ویمنز ورلڈکپ کیلئے کوالیفائی کیا۔ بنگلہ دیش ویمن ٹیم نے بھی ورلڈکپ کیلئے کوالیفائی کیا۔