لاہور (کلچرل رپورٹر) سٹی ڈسٹرکٹ گورنمنٹ گرلز ہائی سکول‘ گلستان کالونی‘ مصطفی آبادکی طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظم اور گورنمنٹ شاہ حسین کالج‘ملتان روڈ چوہنگ کے طلباء اور اساتذۂ کرام نے ایوانِ قائداعظم شاہراہِ نظریۂ پاکستان‘ جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹ نے واپڈا ٹائون پبلک سکول برائے طالبات‘ واپڈا ٹائون‘میریڈزسکول سسٹم‘واپڈا ٹائون کیمپس‘سٹی ڈسٹرکٹ گورنمنٹ بوائز ہائی سکول‘ وحدت کالونی‘گورنمنٹ گرلز مڈل سکول‘ مومن پورہ اورگورنمنٹ بوائز ایلمنٹری سکول‘ مومن پورہ‘کا وزٹ کیا۔ ایوانِ کارکنانِ تحریکِ پاکستان‘ ایوانِ قائداعظمؒ اور مذکورہ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد 1193تھی۔