پولیس لائنز قلعہ گجر سنگھ میں فیملی کلیم کی بنیاد پر درجہ چہارم کی بھرتی
لاہور(نامہ نگار)ڈسٹرکٹ پولیس لائنز قلعہ گجر سنگھ میں فیملی کلیم کی بنیاد پر درجہ چہارم کی بھرتی کے عمل کا آغاز کر دیا گیا۔بھرتی کا عمل چیئرمین سلیکشن کمیٹی ایس ایس پی ایڈمن اطہر وحید کی زیرنگرانی اورایس پی ہیڈ کوارٹرز سید کرارحسین کے زیر انتظام کیا گیا۔ سیکرٹری سلیکشن کمیٹی ایس پی ہیڈ کوارٹرز سید کرارحسین، ممبران کمیٹی ایس پی انوسٹی گیشن سول لائنز فرقان بلال، ایس پی لیگل شیخ آصف اور ڈی ایس پی لائنز فرحت عباس بھی اس موقع پر موجود تھے۔نائب قاصد،لانگری، سینٹری ورکر اور دھوبی کی خالی آسامیوں کیلئے ٹیسٹ اور انٹرویوز لیے گئے۔بھرتی کے عمل میں5 خواتین سمیت 87 امیدواروں نے ٹیسٹ اور انٹرویو میں حصہ لیا۔
