بھارت کی 22چوکیاں ہمارے قبضے میں ہیں: حنیف عباسی

 اٹک(آئی این پی)وفاقی وزیر ریلوے حنیف عباسی نے کہا ہے کہ دشمن کی  22 بھارتی چوکیاں ہمارے پاس ہیں، ابھی تو ہم نے ایک جہاز اڑایا ہے، ایف   16تو باقی ہے، ہم نے اپنی سرحدوں میں رہ کر بھارت کے 5 جنگی جہاز گرائے ہیں ۔اٹک میں منعقدہ ایک تقریب سے خطاب کرتے ہوئے  وفاقی وزیر نے  کہا کہ جب پاک فوج نے بھارت پر میزائل برسائے تو نریندر مودی امریکا کی طرف بھاگا اور مدد کی درخواست کی، پاکستان نے اپنے 33 شہدا کا بدلہ لیا ہے اور قوم ان شہدا کو کبھی نہیں بھولے گی۔ ہم ان شہدا کیلئے اکٹھے ہو رہے ہیں جن پر دشمن نے رات کی تاریکی میں حملہ کیا۔حنیف عباسی نے اس موقع پر قوم کے اتحاد و اتفاق کی اہمیت پر زور دیتے ہوئے کہا کہ ہم ان شہدا کیلئے اکٹھے ہو رہے ہیں جن پر دشمن نے رات کی تاریکی میں حملہ کیا،جب نور خان ایئربیس پر حملہ ہوا تو پوری پاکستانی قوم اس ایئربیس کی طرف دوڑی، یہ ہے ہماری قوم کا جذبہ۔   حنیف عباسی نے کہا  22 بھارتی چوکیاں ہمارے پاس ہیں، ابھی تو ہم نے ایک جہاز اڑایا ہے، ایف سولہ تو باقی ہے۔  انہوں نے کہا کہ ہم نے اپنی سرحدوں میں رہ کر بھارت کے 5 جنگی جہاز گرا دئیے۔