جماعت اسلامی ملک وملت کو بحرانوں  سے نجات دلائے گی:لیاقت بلوچ

لاہور (خصوصی نامہ نگار)نائب امیر جماعت اسلامی، مجلسِ قائمہ سیاسی قومی امور کے صدر لیاقت بلوچ نے کہا ہے کہ امیر جماعت اسلامی حافظ نعیم الرحمن کی کال پر مالاکنڈ، ہزارہ کے عوام نے بھارت اسرائیل مْردہ باد ریلی میں تاریخ ساز شرکت کی۔خیبرپی کے شمالی کے امیر عنایت اللہ خان اور ہزارہ کے امیر عبدالرزاق عباسی کے ساتھ پوری ٹیم نے انتھک محنت کا حق ادا کردیا۔لیاقت بلوچ نے کہا  جماعت اسلامی انشاء  اللہ ملک وملت کو بحرانوں سے نجات دلائے گی اور ملک میں آئین کے نفاذ، عدل و انصاف کی آزادی، قومی وسائل کی منصفانہ تقسیم، وفاق اور صوبوں کے درمیان آئینی ذمہ داریوں کا بہترین نظام لانے میں کامیاب ہوگی۔