وزیراعلیٰ پنجاب سردار عثمان بزدار سے صوبائی مشیر برائے اقتصادی امور و منصوبہ بندی کی ملاقات,معیشت کو مضبوط اورمحکموں کی کارکردگی کو بہتر بنانے کے حوالے سے اقدامات پر تبادلہ خیال
وزیراعلیٰ پنجاب سردار عثمان بزدار سے صوبائی مشیر برائے اقتصادی امور و منصوبہ بندی ڈاکٹر سلمان شاہ کی ملاقات,ملاقات میں صوبے کی معیشت کو مضبوط اورمحکموں کی کارکردگی کو بہتر بنانے کے حوالے سے اقدامات پر تبادلہ خیال کیا گیا۔ صوبے کی معیشت کو مستحکم بنانے کے حوالے سے فوری اقدامات کا فیصلہ کیا گیا۔
وزیراعلیٰ نے اقتصادی امور و منصوبہ بندی کے مشیرکے منصب کی ذمہ داریاں سنبھانے پر ڈاکٹر سلمان شاہ کو مبارکباد دی اور نیک خواہشات کا اظہار کیا۔
وزیراعلیٰ پنجاب سردار عثمان بزدار نے کہا پنجاب وسائل کی دولت سے مالامال ہے،ان وسائل سے استفادہ کرنا وقت کا اہم تقاضا ہے،ہم عوام کے وسائل کے امین ہیں،موجودہ حکومت نے ہر سطح پر شفافیت کو فروغ دیا ہے،سرکاری وسائل کے شفاف استعمال کو ہر سطح پر یقینی بنائیں گے،صوبے کی معیشت کو بہتر بنانے کیلئے میرا تعاون آپ کے ساتھ ہے۔
ڈاکٹر سلمان شاہ نے کہا کہ پنجاب پاکستان کیلئے انجن آف گروتھ ہے،پنجاب ترقی کرے گاتو معیشت بھی پھلے پھولے گی،معیشت کو بہتربنانے کیلئے اپناتجربہ اورصلاحتیں بروئے کار لاؤں گا۔
وزیراعلیٰ کی ڈاکٹر سلمان شاہ کو مکمل تعاون کی یقین دہانی۔