محکمہ ڈاک بھرتیوں میں مبینہ بے ضابطگیاں، حکومتی کمیٹی کی سفارشات پر عملدرآمد روک دیا گیا

اسلام آباد (وقائع نگار) اسلام آباد ہائیکورٹ نے محکمہ ڈاک میں 2023 میں بھرتیوں میں مبینہ بے ضابطگیوں کے بارے میں حکومتی فیکٹ فائنڈنگ کمیٹی کی سفارشات پر عملدرآمد روکتے ہوئے حکم امتناعی جاری کر دیا ہے۔ جسٹس محمد اعظم خان نے حکومت کی فیکٹ فائنڈنگ کمیٹی کی سفارشات کے خلاف دائر درخواست کی سماعت کی۔ عدالت نے درخواست گزاروں کیخلاف کوئی بھی منفی کارروائی روکتے ہوئے سیکرٹری مواصلات اور ڈی جی پاکستان پوسٹ سے جواب طلب کر لیا۔