نیشنل ٹی ٹونٹی کپ ‘ کوئٹہ نے لاڑکانہ ‘اسلام آباد نے بہاولپور کو شکست دیدی 

لاہور(سپورٹس رپورٹر) نیشنل ٹی ٹونٹی کپ میں کوئٹہ نے لاڑکانہ کو 15 رنز سے شکست دیدی۔ اسلام آباد نے بہاولپور کیخلاف 36 رنز سے کامیابی حاصل کی۔ملتان کرکٹ سٹیڈیم ملتان میں کوئٹہ نے لاڑکانہ کیخلاف ٹاس جیت کر 7 وکٹوں پر129 رنز بنائے۔محمد ابراہیم 27 رنز کیساتھ ٹاپ سکورر رہے۔شاہنواز دھانی نے4 وکٹیں حاصل کیں۔لاڑکانہ کی ٹیم7  وکٹوں پر 114  رنز بناسکی۔ثابت علی 28 رنز کیساتھ ٹاپ سکورر رہے۔نجیب اللہ اور عبدالواحد بنگلزئی نے دو دو وکٹیں حاصل کیں۔عبدالواحد بنگلزئی پلیئر آف دی میچ رہے۔قذافی سٹیڈیم لاہور میں بہاولپور نے ٹاس جیت کر اسلام آباد کو بیٹنگ دی جس نے4 وکٹوں پر 166 رنز بنائے۔شامل حسین نے 75 رنز بنائے اور آؤٹ نہیں ہوئے۔بہاولپور کی ٹیم 130 رنز بناکر آؤٹ ہوگئی۔محمد جنید نے30  رنز بنائے۔عمیر خان نے 4 ‘رمان اللہ خان اور ارسل شیخ نے تین تین وکٹیں حاصل کیں۔ شامل حسین کو پلیئر آف دی میچ قرار دیا گیا۔