معروف امریکی گلوکارہ سیلینا گومز نےسوشل میڈیا پلیٹ فارم انسٹاگرام پرایک اور اعزاز حاصل کرلیا ۔ گلوکارہ کے انسٹا پر فالوورز کی تعداد 400 ملین سے تجاوز کر گئی۔تفصیلات کے مطابق چند روز قبل ہی سوشل میڈیا کو خیر آباد کہنے والی خوبرو امریکی گلوکارہ نے یہ خبر مداحوں کو سُنانے کیلئے ایک مرتبہ پھر انسٹاگرام کا رُخ کیا اور مداحوں کے ساتھ لی گئی تصاویر شیئر کرتے ہوئےاس بات پر خوشی کا اظہار کیا کہ "ان کے انسٹاگرام فالوورز 400 ملین ہوگئے ہیں"۔معروف امریکی گلوکارہ سیلینا گومز نے فالوورز کی تعداد بڑھنے پر مداحوں کے پیار اور ساتھ کا شکریہ ادا کیا ہے ساتھ ہی گلوکارہ کا یہ بھی کہنا ہے کہ "کاش وہ ان سب مداحوں کو گلے لگا سکتیں"۔
