آسٹریلیا کو تیسرے ون ڈے میں 7 وکٹوں سے شکست
کراچی (اسپورٹس رپورٹر)بھارت نے روہت شرما اور کپتان ویرات کوہلی کی شان دار بلے بازی کی بدولت آسٹریلیا کو ایک روزہ سیریز کے تیسرے اورآخری میچ میں باآسانی 7 وکٹوں سے شکست دے کر سیریز 2-1 سے جیت لی۔بنگلور میں کھیلے گئے سیریز کے تیسرے ون ڈے کا ٹاس مہمان ٹیم آسٹریلیا نے جیت کر پہلے خود بیٹنگ کا فیصلہ کیا لیکن اچھا آغاز کرنے میں ناکام رہے اور ابتدائی 2 وکٹیں 46 کے مجموعی اسکور پر گر گئیں۔آسٹریلیا کے سابق کپتان اسٹیو اسمتھ نے اپنی ٹیم کی بیٹنگ کی ذمہ داری سنبھالی اور ذمہ دارانہ کارکردگی دکھاتے ہوئے 131 رنز کی شان دار اننگز کھیلی جس میں 14 چوکے اور ایک چھکا بھی شامل تھا۔مارنس لبوشین نے تیسری وکٹ کی شراکت میں اسمتھ کا بھرپور ساتھ دیا اور جب اسکور 173 تک پہنچا تھا تو جدیجا نے ان کی 54 رنز کی اننگز کا خاتمہ کردیا۔الیکس کیری 35 رنز بنا کر تیسرے بلے باز تھے جس نے بھارتی باو?لرز کے سامنے کچھ دیر مزاحمت کی لیکن دیگر بلے باز اسمتھ اور لبوشین کی کوششوں کو بڑے اسکور میں بدلنے میں ناکام رہے۔کپتان فنچ 19 اور آگر11 رنز بنا کر دوہرا ہندسہ پار کرنے میں کامیاب ہوئے۔آسٹریلیا نے مقررہ 50 اوورز میں 9 وکٹوں پر 286 رنز بنائے بھارت کی جانب سے محمد شامی نے بہترین بائولنگ کی اور 4 وکٹیں حاصل کیں، جدیجا نے 2 کھلاڑیوں کو آئوٹ کیا۔روہت شرما اور راہول نے میزبان ٹیم کو 69 رنز کا ایک اچھا ا?غاز فراہم کیا جس کے بعد شرما اور ویرات کوہلی کی جوڑی نے اسکور کو 206 رنز تک پہنچا کر ٹیم کی جیت کو یقینی بنا دیا۔روہت شرما نے اس شراکت کے دوران اپنی سنچری مکمل کی اور 119 رنز بنا کر ا?و?ٹ ہوئے، انہیں زیمپا نے اسٹارک کے ہاتھوں کیچ کروا دیا۔ویرات کوہلی جب آئوٹ ہوئے تو ٹیم کا اسکور 274 رنز تھا اور ان کا انفرادی اسکور 89 رنز تھا تاہم ایس نائر اور پانڈے نے ناقابل شکست بالترتیب 44 اور 8 رنز بنا کر 15 گیندیں قبل ہی ہدف حاصل کرلیا۔بھارت نے مطلوبہ ہدف کے تعاقب میں 3 وکٹوں پر 289 رنز بنا کر میچ میں 7 وکٹوں سے کامیابی سمیٹی اور 3 میچوں کی سیریز بھی 2-1 سے اپنے نام کرلیا۔یاد رہے کہ سیریز کے پہلے میچ میں آسٹریلیا نے 10 وکٹوں سے کامیابی حاصل کرکے سیریز میں برتری حاصل کی تھی لیکن دوسرے میچ میں شیکھر دھون اور راہول کی زبردست اننگز کے باعث بھارت نے 36 رنز سے فتح حاصل کر کے سیریز برابر کردی تھی