نواز شریف کی سزا کیخلاف نیب کی درخواست کی سماعت کل ہو گی
اسلام آباد (نمائندہ نوائے وقت)سابق وزیراعظم محمد نواز شریف کی العزیزیہ کیس میں احتسا ب عدالت کی سزا کے خلاف اپیل اور نیب کی سزا بڑھانے اور ہل میٹل میں بریت کے خلاف درخواست کی سماعت کل ( پیر کو) ہوگی، اسلام آباد ہائی کورٹ کا دو رکنی بینچ درخواستوں کی سماعت کرے گا۔ اسلام آباد ہائی کورٹ کی جانب سے جاری کی گئی کاز لسٹ کے مطابق جسٹس عامر فاروق اور جسٹس محسن اختر کیانی پر مشتمل بینچ سزا کے خلاف اپیل کی سماعت کرے گا۔ بنچ نواز شریف کی ہل میٹل کیس میں بریت اور العزیزیہ کیس میں سزا میں اضافے کی نیب کی درخواست کی سماعت بھی کرے گا۔