اٹلی کےجزیرے میں آتش فشاں پھٹ گیا،ہزاروں  سیاح دیکھنےآگئے۔

اٹلی میں آتش فشاں پھٹنے کا عمل دیکھنے کے لیے دنیا بھر سے سیاح اٹلی کے قریب جزیرے سسلی میں جمع ہو گئے۔ غیرملکی خبررساں ادارے  کے مطابق اس منظر کو دیکھنے کے لیے ہزار وں اطالوی اور غیر ملکی سیاح سسلی میں جمع ہوئے تاہم اس علاقے کے میئر کی جانب سے لوگوں کو لاوے کے قریب جانے سے روکنے کا اعلان کیا گیا ۔شہری تحفظ کے ادارے کی جانب سے رضا کاروں کو علاقے میں تعینات کر دیا گیا ، تاکہ بوقتِ ضرورت امداد اور بچائو کے کاموں میں دقت پیش نہ آئے۔یہ پہاڑ مسلسل لاوا اور راکھ اگل رہا ہے، جس کی وجہ سے فضائی ٹریفک میں خلل پڑ رہا ہے۔نزدیک ترین کٹینا ایئر پورٹ سے درجنوں فلائٹس کا رخ راکھ کے بادلوں کی وجہ سے موڑ دیا گیا ۔