نان اور چپاتی کی قیمتیں کم کر دی گئیں‘ کمشنر کا ایک اور حکمنامہ

کراچی (اسٹاف رپورٹر)کمشنر کراچی نے شہر میں نان اور چپاتی کی قیمتیں مقرر کر دیں۔اس حوالے سے جاری ہونے والے نوٹیفکیشن میں کہا گیا ہے کہ 100گرام کی چپاتی 10روپے میں اور 120گرام کا نان 15روپے میں فروخت کیا جائے۔کمشنر کراچی کے مطابق 150گرام نان کی قیمت 17روپے رکھی گئی ہے جبکہ 180 گرام کے نان کی قیمت 22روپے مقرر کی گئی ہے۔انہوںنے کہا کہ تندور مالکان فوری نرخ نامہ نمایاں جگہ آویزاں کریں، قیمت بڑھانے پر سخت کارروائی عمل میں لائی جائے گی، سرکاری نرخ سے تجاوز کرنا قابلِ سزا جرم ہے۔کمشنر کراچی سید حسن نقوی نے یہ بھی کہا ہے کہ اس حوالے سے شہری شکایت درج کرائیں، خلاف ورزی ہر گز برداشت نہیں ہو گی، نان اور چپاتی کے نرخ کی مانیٹرنگ کے لیے کنٹرول روم قائم کر دیا گیا ہے۔