پریذیڈنٹ ٹرافی گریڈ ٹو:  جے ڈی ڈبلیو کے فیاض خان کی 7وکٹیں  

لاہور(سپورٹس رپورٹر)پریذیڈنٹ ٹرافی گریڈ ٹو کرکٹ ٹورنامنٹ میں جے ڈی ڈبلیو کے فیاض خان کی 7 وکٹوں کی شاندار کارکردگی کے نتیجے میں ون ٹین کمیونیکیشن کی ٹیم تین روزہ میچ کے پہلے دن اپنی پہلی اننگز میں 118 رنز بناکر آؤٹ ہوگئی۔ جے ڈی ڈبلیو نے تین وکٹوں پر91رنز بنائے تھے۔ جے ڈی ڈبلیو ، ملتان سلطانز کی نمبر دو ٹیم ہے جو پریذیڈنٹ ٹرافی گریڈ ٹو ٹورنامنٹ میں کامیابی کی صورت میں آئندہ سیزن میں پریذیڈنٹ ٹرافی گریڈ ون کھیلنے کی اہل ہوگی۔ راولپنڈی میں جے ڈی ڈبلیو نے ٹاس جیت کر ون ٹین کو بیٹنگ دی جو 30 اعشاریہ 2 اوورز کی بیٹنگ میں 118 رنز بناکر آؤٹ ہوگئی۔احسن علی نے54 رنز بنائے۔بائیں ہاتھ کے تیز بائولر فیاض خان نے7  وکٹیں حاصل کیں۔