سابق وزیر اعظم میاں شہبازشریف لندن سے لاہور پہنچ گئے۔تفصیلات کے مطابق صدر پاکستان مسلم لیگ ن اور سابق وزیراعظم شہبازشریف لندن میں ایک مہینہ قیام کے بعد آج وطن واپس پہنچے ہیں۔سابق وزیر اعظم شہباز شریف براستہ دبئی لاہور پہنچے۔سابق وزیر اعظم شہباز شریف نجی آئر لائین QR628 کے ذریعے لاہور ائیرپورٹ پہنچے۔سابق وزیر اعظم شہباز شریف کو سخت سیکیورٹی میں ان کی رہائش گاہ ماڈل ٹاؤن پہنچایا گیا۔شہبازشریف نے دورے کے دوران مسلم لیگ ن کے قائد نوازشریف کے ساتھ کئی اہم ملاقاتیں کیں اور نوازشریف کی وطن واپسی کا اعلان بھی کیا تھا، شہباز شریف نے لندن میں متعدد پارٹی میٹنگز میں بھی حصہ لیا۔ذرائع کے مطابق شہبازشریف وطن پہنچ کر اب مسلم لیگ ن کے قائد نوازشریف کی وطن واپسی کے حوالے سے تیاریوں کا جائزہ لیں گے اور ان کے استقبال کے لئے پارٹی کے دیگر رہنماؤں سے بھی مشاورت کریں گے۔