اسلام آباد(چوہدری شاہد اجمل)ملک میں پیٹرولیم مصنوعات کی قیمتوں میں مسلسل اضافے کی وجوہات سامنے آ گئی ہیں۔سرکاری دستاویز کے مطابق آئل مارکیٹنگ کمپنیوں کے مارجن، ڈیلرز مارجن قیمتوں میں اضافے کا سبب ہے۔دوسری جانب روپے کی بے قدری اور عالمی مارکیٹ میں اضافہ بھی پیٹرولیم مصنوعات کی قیمتوں میں اضافے کا سبب ہے۔عالمی مارکیٹ میں کروڈ آئل کی قیمت 88.55 ڈالر فی بیرل سے بڑھ کر 93.93 ڈالر تک پہنچ چکی ہے۔عالمی مارکیٹ میں قیمتیں بڑھنے کے سبب فی لیٹر قیمت 228.59 سے بڑھ کر 252.13 روپے تک پہنچی۔دستاویز کے مطابق پیٹرولیم مصنوعات پر او ایم سی مارجن میں 47 پیسے اور ڈیلرز کمیشن میں 41 پیسے کا اضافہ ہوا ہے، پیٹرول پر او ایم سی مارجن 6 روپے47 پیسے فی لیٹر اور ڈیلرز کمیشن7 روپے41 پیسے تک ہو گیا ہے۔دوسری جانب حکومت پیٹرولیم مصنوعات پر او ایم سی مارجن اور ڈیلرز کمیشن کو مزید بڑھایا جائےگا۔دستاویز کے مطابق فی لیٹر پیٹرولیم مصنوعات کی خریداری پر فریٹ ریٹ میں 1.60 روپے کا اضافہ ہوا ہے، پیٹرول پر فی لیٹر فریٹ ریٹ بھی 3.77 روپے سے بڑھ کر 5.37 روپے تک پہنچ گیا ہے۔