لاہور(کامرس رپورٹر )اسلام آباد ہائیکورٹ کے فیصلے کے بعد افواہیں دم توڑ گئیںتجارتی تنظیموں اور چیمبرز آف کامرس اینڈ انڈسٹری کے انتخابات سال 2024میں ہی ہونگے۔عدالت نے تمام ایگزیکٹو کمیٹی ممبران جن کے دو سال مکمل ہوچکے ہیں انہیں بھی ایک سال کی ایکسیٹینشن دےدی۔ گوجرانوالہ اور رحیم یار خان چیمبر کے موقف کو تسلیم کرتے ہوئے اسلام آباد ہائیکورٹ نے جو فیصلہ دیا ہے اسکے مطابق رواں سال یعنی 2023 میں چیمبرز آف کامرس اینڈ انڈسٹری اور دیگر تجارتی تنظیموں کے الیکشن نہیں ہونگے۔ اب تمام ایگزیکٹو کمیٹی کے انتخابات ایک ہی ساتھ سال 2024میں ہونگے تاکہ رولز 2013اور 2023کے ترمیمی ایکٹ 2022کے ساتھ جو تضادات ہیں وہ ختم ہوجائیں۔