لاہور(سپورٹس رپورٹر) بھارت میں 5 اکتوبر سے شروع ہونے والے آئی سی سی ورلڈکپ میں پاکستان ٹیم کے 15 کھلاڑیوں کا چناو¿ کٹھن اور مشکل مرحلے میں داخل ہوچکا ہے۔ کپتان بابراعظم اور چیف سلیکٹر انضمام الحق ایشیاکپ کی ناکامی کے بعد پہلے سے منتخب سکواڈ میں ردوبدل کرنے کے لیے مجبور ہوگئے ہیں۔ دونوں کو اس بات کا شدت سے اندازہ ہے کہ ٹیم میں بنا تبدیل گھاٹے کا سودا ہوگا۔ ادھر انگلینڈ میں کاو¿نٹی کرکٹ میں مصروف ڈائریکٹر کرکٹ مکی آرتھر بظاہر اس تمام سلیکشن کے مرحلے میں کہیں دکھائی نہیں دے رہے۔ قومی ٹیم کے نائب کپتان کی تبدیلی کا امکان، شاداب کی جگہ کون لے گا؟۔ اطلاعات ہیں کہ ورلڈکپ سکواڈ میں حالیہ ٹیم کی پرفارمنس کے بعد اضافی وکٹ کیپر محمد حارث، سپنر اسامہ میر، فاسٹ بولر محمد وسیم جونیئر اور آل راو¿نڈر فہیم اشرف کا کیس بہت کمزور ہوگیاہے۔ تازہ ترین پیش رفت کے تناظر میں آل راو¿نڈر حسن علی اور لیگ بریک گگلی بولر ابرار احمد کے نام قرعہ فعال نکلتا دکھائی دے رہا ہے جب کہ مسلسل آو¿ٹ آف فارم رہنے والے ٹیم کے نائب کپتان شاداب خان اور ٹیسٹ اوپنر فخر زمان کی سلیکشن پر تحفظات ضرور ہیں۔ البتہ ان کے سکواڈ سے باہر جانے کا کوئی امکان نہیں ہے۔ ورلڈکپ کے لیے پاکستان کے ممکنہ 15 کھلاڑی یہ ہوسکتے ہیں۔ بابراعظم (کپتان)، امام الحق، فخر زمان، عبداللہ شفیق، سلمان علی آغا، افتخار احمد ، سعود شکیل ، محمد رضوان (وکٹ کیپر ) ابرار احمد ، محمد نواز، شاداب خان ، شاہین شاہ آفریدی ، حارث رو¿ف، حسن علی اور زمان خان ہو سکے ہیں۔