کابل(شِنہوا)افغانستان میں بیروزگارتعلیم یافتہ نوجوانوں کی تعداد 15 لاکھ تک پہنچ گئی ہے۔ایک مقامی میڈیا ادارے نے افغان وزارت اطلاعات و ثقافت میں نوجوانوں کے امورکے نائب محمد یونس رشید کے حوالے سے بتایا افغانستان میں تقریبا 30 لاکھ تعلیم یافتہ نوجوان ہیں جن میں سے نصف بے روزگار ہیں۔عہدیدار کے حوالے سے میڈیا ادارے نے اطلاع دی نگران حکومت جنگ سے متاثرہ ملک کے لوگوں خصوصا تعلیم یافتہ نوجوانوں کے لیے روزگار کے مواقع پیدا کرنے میں کوئی کسر نہیں چھوڑے گی۔ افغانستان میں سالانہ ہزاروں طلبہ یونیورسٹیوں سے فارغ التحصیل ہوکرملک میں روزگار کے مواقع تلاش کرتے ہیں تاہم ان میں سے بہت سے غربت اور ملازمتوں کی کمی کی وجہ سے اپنا وطن چھوڑ کر پڑوسی ممالک سمیت بیرون ملک چلے جاتے ہیں۔