تِنکا تِنکا چُن لیا جو آشیاں ہونے کو ہے
پھِر تُجھے تیری حقیقت کا گُماں ہونے کو ہے
چُپ رہا تو کون جانے گا تُمہارا مُدّعا
بول کہ ہر بول تیرا جاوداں ہونے کو ہے
چھِن گیا شُودر نہ ہو کیسے برہمن سیخ پا
ہر دہن میں لوتھڑا گویا زباں ہونے کو ہے
صاف ہو جائے گا ہر ہر ظُلم کا ہر اِک نشان
چشمہ حرُّیَت یوں بحرِ بیکراں ہونے کو ہے
رنگ لائے گا یہاں پر بھی شہیدوں کا لہو
وادیء کشمیر تُو پھِر گُلستاں ہونے کو ہے
اِک زمانہ پوچھتا ہے حقِ اِنسانی، بتا !
کُچھ کرو کہ پھر وہاں سے ہُوں و ہاں ہونے کو ہے
ہر کوئی بڑھتا ہے شاہدؔ سُوئے منزل یک قدم
ساتھ چل کہ اسطرح تُو کارواں ہونے کو ہے
(ڈاکٹر محمد افضل شاہدؔ)
٭…٭…٭