سوات اور گردونواح میں 4.7شدت کا زلزلہ

 سوات(آئی این پی )خیبرپی  کے کے ضلع سوات اور گردونواح میں زلزلے کے جھٹکے محسوس کئے گئے  ۔ زلزلہ پیما مرکز کے مطابق ریکٹر سکیل پر زلزلے کی شدت4.7ریکارڈ ہوئی،زلزلے کی زیرزمین گہرائی 205کلو میٹر تھی جبکہ زلزلے کا مرکز کوہ ہندوکش کا پہاڑی سلسلہ تھا۔زلزلے کے جھٹکے محسوس ہونے پر کسی جانی یا مالی نقصان کی اطلاع موصول نہیں ہوئی، تاہم زلزلے کے جھٹکے محسوس ہونے پر لوگوں میں خوف و ہراس پھیل گیا اور کلمہ طیبہ کا ورد کرتے ہوئے گھروں اور دکانوں سے باہر نکل آئے۔