ماتحت عدالتوں نے رواں ماہ 710 ملزمان کو جوڈیشل ریمانڈ پر اڈیالہ جیل بھجوایا

راولپنڈی(محبوب صابر/جنرل رپورٹر)ضلع کچہری راولپنڈی کی ماتحت عدالتوں نے رواں ماہ مارچ میں 710 ملزموں کو چودہ روز کے جوڈیشل ریمانڈ پر سنٹرل جیل اڈیالہ بھجوایا،530 ملزموں کا جسمانی ریمانڈ منظور کر کے مزید تفتیش کے لئے پولیس کی تحویل میں دے دیا جبکہ 35 ملزموں کو الزام ثابت نہ ہونے پر مقدمات سے ڈس چارج کر دیا, 30 ملزموں کو عدالت سے مسلسل غیر حاضری پر ان کے خلاف کارروائی کرتے ہوئے اشتہاری قرار دے دیا اور ان کے دائمی وارنٹ گرفتاری جاری کر دئیے، ضلع کچہری راولپنڈی میں سول ججوں سپیشل مجسٹریٹوں کی عدالتوں میں راولپنڈی پولیس نے رواں ماہ  کل 1540 ملزموں کو پیش کیا، جن کے خلاف ڈکیتی چوری قتل اقدام قتل لڑائی جھگڑا نقب زنی راہزنی حدود شراب اسلحہ منشیات قمار بازی آوارہ گردی زمینوں پر قبضہ جعل سازی جعلی چیک دینا اور سنگین نتائج کی دھمکیاں دینا کے الزام میں ملوث ہونے پر الگ الگ مقدمات درج کئے اور مزید کارروائی کے لئے تمام ملزموں کو سخت حفاظتی اقدامات کرتے ہوئے مجاز عدالتوں کے روبرو پیش کر دیا۔