اسلام آباد: وفاقی وزیر داخلہ رانا ثنا اللہ نے چیئرمین پی ٹی آئی پر سخت تنقید کرتے ہوئے کہا ہے کہ نیازی صاحب! لوگوں کو بیوقوف نہ بنائیں، آپ بتائیں فرح خان کہاں بیٹھی ہیں؟انہوں نے پریس کانفرنس سے خطاب کرتے ہوئے کہا عمران خان پوری قوم کے سامنے جھوٹ بول رہا ہے. جھوٹ بول کر عوام کو گمراہ کر رہا ہے.عمران خان سیاسی مخالفین پر الزام تراشی کے علاوہ کچھ نہیں کر سکتے۔رانا ثنا اللہ نے کہا ان کو خطرہ محسوس ہو رہا ہے کہ مریم نواز انہیں ایکسپوز کرے گی. عمران خان نے سیاست میں بد تہذیبی کے کلچر کو فروغ دیا. مریم نواز نے عمران خان کی نام نہاد سیاست کو بے نقاب کردیا۔انہوں نے کہا مریم نواز عمران خان کو بے نقاب کرنے میں کامیاب ہو گئی ہیں. آج عمران خان نے کہا کہ انہیں قتل کرنے کی سازش ہو رہی ہے۔ انہوں نے استفسار کیا گیٹ توڑ کر جوڈیشل کمپلیکس گئے اس دن کونسی سازش تھی؟وفاقی وزیر داخلہ نے کہا  عمران خان کو کوئی حق نہیں کہ زبردستی گاڑی کے ساتھ عدالت میں داخل ہوں، عمران خان نے کل مسلح افراد کے ہمراہ جوڈیشل کمپلیکس پر حملہ کیا، آپ جوڈیشل کمپلیکس میں مسلح افراد ساتھ لیکر جانا چاہتے تھے، مسلح جتھوں کے ساتھ عدالت جانا غنڈہ گردی ہے۔انہوں نے کہا کیا ہم نے آپ کو کہا تھا کہ جھتے کے ساتھ عدالت جائیں؟ مسلح جتھہ لیکر عدالت جانا بہت سارے لوگوں کیلئے ممکن ہے۔وفاقی وزیر داخلہ رانا ثنااللہ نے کہا کس بے شرمی کے ساتھ آپ یہ بات کر رہے ہیں کہ لوٹ کے لے گئے، آپ بتائیں فرح خان کہاں بیٹھی ہیں؟ اور وہ اس وقت کہاں ہیں؟وزیر داخلہ نے مزید کہا کہ عمران خان غنڈہ گردی اور دنگا فساد کر رہے ہیں، انہوں نے فرح گوگی کے ذریعے کرپشن کی، اگر سڑک پر حاضری لگنی ہے تو گھر سے ہی حاضری لگوا دیتے، عمران خان پر توشہ خانہ کی چوری ثابت ہو چکی ہے.مسلح جتھوں کے ساتھ عدالت جانا غنڈا گردی ہے، اس شخص کو لوٹ مار کا حساب دینا ہو گا، یہ جتھوں کو لے جا کر عدالتوں پر پریشر ڈالنا چاہتے ہیں۔مسلم لیگ (ن) پنجاب کے صدر رانا ثنا اللہ نے کہا کہ عمران خان نے ملکی خزانے کو 50 ارب کا ٹیکہ لگایا، انہوں نے القادر ٹرسٹ کے نام پر 7 ارب روپے کی زمین لی، جب یہ چار سال جھوٹے مقدمات بنا رہے تھے تب غیرت نہیں آئی؟، مریم نواز کے ساتھ جیل میں بدترین سلوک کیا گیا، ڈرامہ کر کے فتنہ فساد اور جرائم کو چھپا نہیں سکتے، عمران خان نے کس قانون کے تحت زمان پارک میں مسلح جتھے رکھے۔انہوں نے مزید کہا کہ پٹرول بم پلاسٹک کی بوتل میں بنیں یا شیشے کی. اس کا حساب دیں. یہ حالات جو پیدا ہوئے ہیں یہ آپ نے خود کیے ہیں، عمران خان نے کہا تھا کہ آئی ایم ایف معاہدے کے بجائے خودکشی کر لوں گا. آئی ایم ایف سے معاہدہ کر کے خلاف ورزی کی. جب اس کو لایا گیا تو ملک ترقی کی راہ پر گامزن تھا.25 مئی کو اسلام آباد پر مسلح جتھوں کے ذریعے چڑھائی کی کوشش کی گئی۔

مصر کا غیر ملکی سیاحوں کیلیے پرکشش مراعات کا اعلان