پاکستان تحریک انصاف (پی ٹی آئی) نے ضلعی انتظامیہ سے تعاون کرنے کی بنیاد پر مینار پاکستان پر ہونے والا جلسہ پیر کی بجائے منگل 21 مارچ کو کرنے کا اعلان کردیا ہے۔

تفصیلات کے مطابق پاکستان تحریک انصاف نے منگل کے روز مینار پاکستان پر جلسے کی سیکیورٹی کلیئرنس کے لیے درخواست دے دی۔درخواست رہنما تحریک انصاف حماد اظہر کے جانب سے وکیل رانا مدثر کے ذریعے جمع کروائی گئی، جس کی کاپی بول نیوز نے حاصل کر لی۔

اس سے قبل تحریک انصاف نے پیر کے روز کے لئے درخواست جمع کروائی تھی۔ذرائع کے مطابق ضلعی انتظامیہ کا موقف تھا پیر تک سیکیورٹی کلیئرنس کرنا ناممکن ہے.جس کے پیش نظر تحریک انصاف نے ضلعی انتظامیہ سے تعاون کرنے کی بنیاد پر ایک روز جلسہ کی تاریخ مزید آگے بڑھا دی۔

شہزادہ محمد بن سلمان کا مسجد نبوی کا دورہ، روضہ رسول پر حاضری

خیال رہے کہ لاہور ہائی کورٹ نے سابق وزیراعظم عمران خان کی گرفتاری کے لئے پولیس آپریشن پر روک میں مزید ایک دن کی توسیع کرتے ہوئے پاکستان تحریک انصاف (پی ٹی آئی) کو اتوار کو مینار پاکستان پر جلسہ کرنے سے روک دیا تھا۔ذرائع کا کہنا تھا کہ تحریک انصاف کی جانب سے 19 مار چ بروز اتوار کو مینار پاکستان کے مقام پر جلسہ کرنے کا اعلان کیا گیا تھا جسے فی الحال لاہور ہائی کورٹ کی جانب سے روک دیا گیا تھا۔دوسری جانب پنجاب حکومت نے بھی اس معاملے پر پی ٹی آئی کو اجازت نہ دینے کا فیصلہ کرلیا تھا۔