مفت آ ٹا کی فراہمی کیلئے ٹرکنگ پوائنٹس قائم کر دیئے گئے، ڈپٹی کمشنر
راولپنڈی (اپنے سٹاف رپورٹر سے)ڈپٹی کمشنر راولپنڈی حسن وقار چیمہ نے کہا کہ رمضان المبارک میں ضلع راولپنڈی میں شہریوں کو فری آٹے کی فراہمی کے لیے 10میگا اور 232 ٹرکنگ پوائنٹس قائم کر دیئے گئے ہیں ہر میگا پوائنٹس پر 4 ڈیسک جن میں 2 مرد اور 2 خواتین کے لیے ہونگے انہوں نے کہاکہ ضلع راولپنڈی میں روزانہ کی بنیاد پر مستحق افراد میں 1 لاکھ فری آٹے کے تھیلے تقسیم کیے جائیں گے انہوں کہاکہ رمضان کے دوران 3 آٹے کے تھیلے فی کس کے حساب دیئے جائیں گے ڈپٹی کمشنر راولپنڈی حسن وقار چیمہ نے کہاکہ مستحق افراد میں فری آ ٹاکی فراہمی اولین ترجیح ہے ہمارا مقصد شہریوں کو ریلیف فراہم کرنا ہے انہوں نے اسسٹنٹ کمشنرز کو ہدایت کی کہ تحصیل لیول پر فری آٹے کی دستیابی یقینی بنایا جائے۔
