اسلام آبادپراپرٹی ایکسپو سے پاکستان معاشی طور پر مزید مستحکم ہوگا ،ثاقب رفیق
اسلام آباد (نمائندہ خصوصی ) ورتھ وائل بلڈرز اور سنٹورس مال کے اشتراک سے پہلی اسلام آبادپراپرٹی ایکسپو 2023 کی افتتاحی تقریب کا اہتمام سنٹورس مال میں کیاگیاجس کا افتتاح مہمان خصوصی صدر راولپنڈی چیمبر آف کامرس اینڈ انڈسٹری ثاقب رفیق نے کیا تقریب میں پاکستان اور تر کیہ کے تاجر نمائندگان ،راولپنڈی چیمبر کے سنیئر نائب صدر حمزہ سروش ،ممبر زید اقبال ، سابق صدراسلام آباد چیمبرآف کامرس سردار یاسر کے علاوہ ترکی اورپاکستان بھر سے پراپرٹی کے شعبے سے تعلق رکھنے والے افراد نے شرکت کی اس موقع پر راولپنڈی چیمبر آف کامرس کے صدر ثاقب رفیق کا کہنا تھا کہ راولپنڈی چیمبر آف کامرس جہاں بھی ضرورت پڑی آپ کے شانہ بشانہ کھڑی ہوگی اور اپنا بھرپور تعاون کرے گی اس ایکسپو سے ملکی معاشی صورتحال پر دور رس اثرات مرتب ہوں گے انہوں نے مزیدکہا کہ اسلام آبادپراپرٹی ایکسپو منعقد کرنے کا مقصد پاکستان کی اکانومی کو بہتر کرنا ہے یہ ایکسپو ایک طرف معاشی اور دوسری جانب پاکستان کے امیج کو اجاگر کرے گاترکی کی کمپنی کی طرف سے باہمی تعاون مزید بڑھے گا، ایکسپو سے تر کیہ اور پاکستان کی دوستی میںمزید بہتری آئے گی اور معاشی طور پر پاکستان مزید مستحکم ہوگا اور پراپرٹی کے شعبے کو مزید فروغ حاصل ہوگا ۔
