کراچی (اسٹاف رپورٹر)گورنر سندھ کامران ٹیسوری نے ایکسپوسینٹر میں شاپ رمضان ایکسپو کا افتتاح کردیا ۔ بعد ازاں تقریب سے خطاب کرتے ہوئے گورنرسندھ نے کہا کہ اس شہر کے لئے جو بھی کام کرتے ہیں ان کے پاس پہنچنے کی کوشش کرتا ہوںمیں یہ یقین دلاتا ہوں یہ حالات جیسے بھی ہوں ‘  قوم ڈٹ کر مقابلہ کرنا جانتی ہے۔ انہوں نے مزید کہا کہ مہنگائی کی وجہ سے عوام کے رمضان میں تمام حوصلے جواب دے گئے ،یہاں فیسٹیول میں پچیس سے چالیس فیصد اشیاء میں رعایت دی جارہی ہے ،دال چینی آٹا تمام بنیادی اشیاء کا بچت فیسٹیول یہاں لگنے جارہا ہے اس ضمن میں گورنر ہائوس میں تمام بنیادی اشیاء کے تاجران  سے ملاقات کرکے انہیں بھی بچت بازار لگانے کے لئے درخواست کروں گا۔اس وقت پیٹرول دیگر مہنگائی کی وجہ سے لوگوں کا دور دراز خریداری کے لئے جانا بھی مشکل ہوگیا ہے۔ ایک سوال کے جواب میں گورنرسندھ نے کہا کہ الیکشن بہت ہوئے مگر آج بھی ضرورت عوام کے مسائل اور حالات بدلنے کی ہے میرا سوال ہے کہ کیا لوگوں کو ایک کروڑ نوکریاں پچاس لاکھ گھر مل گئے ہیں ،اللہ کا خوف کریں ،آج بھارت دشمن ملک ہمارے آپس میں لڑنے پر ہنس رہا ہے یہ وقت جگ ہنسائی کرانے کا نہیں ،اس وقت پاکستان کو بچانے کی ضرورت ہے اس ضمن میں سب کو مل کر ملک کو مستحکم کرنے کوششیں کرنا ہوں گی ۔رمضان المبارک میں بچت بازار کے حوالہ سے پوچھے گئے ایک اور سوال کے جواب میں گورنرسندھ نے کہا کہ کمشنر صاحب اچھے آدمی ہیں،کمشنر بھی بچت بازار لگانے کے لئے کوشاں ہیں،میں نے بھی واضح کہا ہے کہ بچت بازار ایسے نہ ہوں جو نام کے ہوں اور پیسہ کمانے کے لئے لگائے گئے ہوں ایسے بچت بازاروں کے خلاف کاروائی کریں گے جو مہنگی اشیاء فروخت کررہے ہوں۔

عمران خان گھر پر نہیں تھے، اُن کے گھر پر تب حملہ کیا گیا،اعتزاز احسن