لاہور قلندرز پاکستان سپر لیگ( پی ایس ایل) کے مسلسل دوسری مرتبہ چمپئن بن گئے۔قذافی اسٹیڈیم میں کھیلے گئے میچ میں لاہور قلندرز نے دلچسپ مقابلے کے بعد ملتان سلطانز کو ایک رن سے شکست دے دی۔ملتان سلطانز لاہور قلندرز کی جانب سے دیا گیا جیت کے لیے 201 رنز کا ہدف حاصل کرنے میں ناکام رہی اور مقررہ اوورز میں آٹھ وکٹوں کے نقصان پر 199 رنز بنا سکی۔سلطانز کے رائیلی روسو نے 32 گیندوں پر52 رن بنائے جب کہ محمد رضوان 34  اور خوشدل شاہ 25 رنز کے ساتھ نمایاں رہے۔قلندرز کے کپتان شاہین شاہ آفریدی نے 4 جب کہ راشد خان نے 2 اور ڈیوڈ ویسا نے ایک وکٹ حاصل کی۔اس جیت کے ساتھ لاہور قلندرز ٹائٹل کا دفاع کرنے والی پی ایس ایل کی پہلی ٹیم بن گئی ہے۔