قومی اسمبلی میں اپوزیشن لیڈر خورشید شاہ نے کہا ہے لوڈشیڈنگ بڑھتی جارہی ہے سندھ کو بجلی چور کہا جارہا ہے پنجاب میں بجلی چوری تینوں صوبوں سے زیادہ ہے سندھ کے عوام کھڑے ہوگئے تو وفاق کے لیے مشکل ہوگی،قومی کرکٹ ٹیم نے عوام کے دل جیت لیے ہیں 20ارب خرچ کرکے بھی اتنی عز ت نہیں مل سکتی تھی کشمیریوں پر بھارتی مظالم بڑھتے جارہے ہیں۔نوا ز شریف مودی کے ساتھ دوستی نبھارہے ہیں دوستی کی وجہ سے کشمیر معاملے کو سنجیدہ نہیں لیا جارہا۔کوشش ہوگی 2018میں انتخابات میں پنجاب سے زیادہ سیٹیں جیتیں۔پیر کو تفصیلات کے مطابق خورشید شاہ نے پنوعاقل میں مختلف نہروں کا دورہ کیا۔کسانوں نے خورشید شاہ سے شکوہ کیا کہ بااثر افراد پانی چوری کررہے ہیں۔ جس پر خورشیدشاہ نے کہا کہ نہری پانی چوری کرنیوالوں کے خلاف مقدمات درج کیے جائیں گے۔ انہوں نے مزید کہا کہ جے آئی ٹی حکومت کے ماتحت ہے۔ لوڈشیڈنگ بڑھتی جارہی ہے۔