فاتح کپتان سرفراز احمد ٹرافی کے ہمراہ کل کراچی پہنچیں گے

19 جون 2017 (15:26)

 آئی سی سی چمپئنز ٹرافی کے فاتح کپتان سرفراز احمد ٹرافی کے ہمراہ کل کراچی پہنچیں گے ۔پانچ کھلاڑی کچھ روز لندن میں قیام کے بعد وطن واپس آئیں گے ۔ پی سی بی کے مطابق قومی ٹیم کے کپتان سرفرازاحمد چمپئنز ٹرافی کے ہمراہ کل کراچی پہنچیں گے جبکہ رومان رئیس بھی ان کے ہمراہ ہوںگے ۔ محمد عامر ، جنید خان، محمد حفیظ،شعیب ملک اور اظہر علی لندن میں ہی رک گئے ہیں جو کچھ روز قیام کے بعد وطن واپس آئیں گے ۔ غیر ملکی کوچنگ سٹاف 20جولائی کو وطن واپس پہنچے گا جس کے بعد قومی ٹیم کا ایبٹ آباد میں بوٹ کیمپ لگایا جائے گا۔