سگیاں پل کے قریب سی ٹی ڈی سے مقابلہ القاعدہ کے دو دہشت گرد ہلاک، 2 فرار

19 جون 2017

لاہور (نوائے وقت رپورٹ) لاہور میں سگیاں پل کے قریب سی ٹی ڈی سے مقابلہ میں دو دہشت گرد ہلاک ہو گئے۔ سی ٹی ڈی کے مطابق ہلاک دہشت گردوں کا تعلق کالعدم تنظیم القاعدہ سے تھا۔ چار دہشت گرد حساس دفتر پر حملہ کیلئے آئے تو مقابلہ ہو گیا۔ فائرنگ کے دوران دو دہشت گرد فرار ہو گئے۔ دہشت گردوں سے کلاشنکوفیں، ڈیٹونیٹرز اور دیگر اسلحہ برآمد کرلیا، فرار دہشت گردوں کی تلاش کیلئے ناکہ بندی کردی ہے۔