اسلام آباد: وزیراعظم عمران خان نے یوم الحاق پاکستان کے موقع پراس عزم کا اعادہ کیا ہے کہ ہم پاکستانی کشمیریوں کو ان کا حق دلانے کیلئےلڑتے رہیں گے۔

اپنے پیغام میں ان کا کہنا تھا کہ آج کے دن کشمیریوں نے پاکستان سے الحاق کی قرارداد منظورکی تھی اور اس کی یاد میں آج ہم یوم الحاق پاکستان منارہے ہیں۔

وزیراعظم نے کہا کہ کشمیریوں کا حق خود ارادیت یواین سیکیورٹی کونسل نے تسلیم کر رکھا ہے اور آج ہم ایک بار پھرکشمیریوں کی حق خود ارادیت کی جدوجہد میں ساتھ دینے کےعزم کی تجدید کرتے ہیں۔

اب گوگل آپ کو انگلش سکھائے گا ؟ اور وہ بھی بہت آسانی سے

• 

انہوں نے کہا کہ پاکستانی کشمیریوں کی بھارتی حکومت کے مظالم کے خلاف جدجہد میں ساتھ دیتے رہیں گے۔ کشمیریوں کو ایک دن ضرور انصاف ملے گا۔

یوم الحاق پاکستان پر وزیراعظم آزاد کشمیر راجہ فاروق حیدر نے اپنے پیغام میں کہا کہ قرارداد الحاق پاکستان کے پیچھے کشمیری عوام کی منشا تھی۔

قرارداد کسی جماعت کی جنرل کونسل کا اجتماع نہیں تھا کشمیری عوام کی خواہش تھی جس کے تناظر میں تحریک آزادی کا آغاز ہوا۔

شہید بینظیر بھٹو کی 68ویں سالگرہ آج منائی جائے گی

راجہ فاروق حیدر نے اپنے پیغام میں کہا کہ مقبوضہ کشمیر میں تحریک آزادی کی بنیاد 19 جولائی کی قرارداد الحاق پاکستان ہے اور اس نے کشمیریوں کیلیے راستہ متعین کیا۔

انہوں نے ہدایت کی کہ جموں اور لداخ والے اپنے کشمیری تشخص کو برقرار رکھیں۔ اسٹیٹ سبجیکٹ کا قانون مہاراجہ ہری سنگھ نے بنایا تھا اور ہم اس قانون پر قائم ہیں۔ وزیراعظم آزاد کشمیر راجہ فاروق نے کہا کہ جموں کے کشمیری اسٹیٹ سبجیکٹ کے قانون کی حفاظت کریں۔