قاہرہ: وزیر اعظم محمد شہباز شریف نے کہا ہے کہ انڈونیشیا پاکستان کا قابل بھروسہ تجارتی شراکت دارہے۔وزیراعظم شہباز شریف کی انڈونیشیا کے صدر پرابوو سوبیانتو سے ملاقات ہوئی. جس میں باہمی دلچسپی کے امور پر تبادلہ خیال کیا گیا۔اس موقع پر وزیر اعظم نے صدر پرابوو سوبیانتو کو عہدہ سنبھالنے پر مبارکباد دی اور دوطرفہ تعلقات بشمول سیاسی، تجارتی اور اقتصادی امور کے علاوہ کثیر الجہتی فورمز پر تعاون پر بھی تبادلہ خیال کیا۔ملاقات میں اقتصادی اور تجارتی تعلقات کو مزید مستحکم کرنے کی ضرورت پر زور دیا گیا اور دوطرفہ تعلقات کو برقرار رکھنے کے لیے قریبی رابطے میں رہنے پر اتفاق کیا گیا۔دوران ملاقات وزیراعظم نے خصوصاً پام آئل فراہم کرنے والے ملکی طور پر انڈونیشیا کے کردار کو سراہتے ہوئے کہا کہ پاکستان خوردنی تیل کی ضروریات پورا کرنے کے لیے زیادہ تر حصہ انڈونیشیا سے برآمد کرتا ہے.انڈونیشیا پاکستان کا قابل بھروسہ تجارتی شراکت دار ہے۔ وزیراعظم نے آسیان اور اس کے رکن ممالک کے ساتھ روابط کے حوالے سے پاکستان کی گہری دلچسپی کا اظہار کیا اور پاکستان کے آسیان میں سیکٹورل پارٹنر کا درجہ حاصل کرنے اور آسیان علاقائی فورم کی رکنیت کے لیے انڈونیشیا کی حمایت کو سراہا۔اس کے علاوہ وزیراعظم نے دوطرفہ تعاون اور حمایت سے آسیان کے کمل ڈائیلاگ پارٹنر بننے کی امید کا اظہار کیا اور صدر پرابوو سوبیانتو کو دورہ پاکستان کی دعوت بھی دی۔دونوں رہنماؤں نے فلسطین کے لیے اپنی غیر متزلزل حمایت کا اعادہ کیا اور کا ایک خودمختار فلسطینی ریاست کے قیام پر بھی زور دیا۔
بعدازاں ملاقات میں غزہ میں جنگ بندی اور مسئلہ فلسطین کے حل کے لیے ایک جامع طریقہ کار اختیار کرنے پر بھی زور دیا گیا۔