امریکا کے صدر ڈونلڈ ٹرمپ نے افغان حکمت عملی کا اعلان ملتوی کردیا.کیمپ ڈیوڈ میں افغانستان اور جنوب ایشیا کی صورتحال کا جائزہ.کسی بھی فوری فیصلے سے گریز.ترجمان وائٹ ہاﺅس کہتی ہیں پالیسی کا اعلان مناسب وقت پر کیا جائے گا۔وائٹ ہاﺅس کی پریس سیکریٹری سارا سینڈرز کے مطابق امریکی صدر نے گزشتہ دنوں نیشنل سیکورٹی کے مشیروں اور دیگر اعلیٰ عہدیداروں کے ساتھ افغانستان کے بارے میں نئی پالیسی پر غور کیا۔اس حوالے سے مختلف اقدامات اور آپشنز پر غور کیا گیا تاہم افغانستان میں مزید فوجی بھیجنے یا نہ بھیجنے کے بارے میں حتمی فیصلہ نہیں ہوسکا۔پریس سیکریٹری کے مطابق صدر ٹرمپ اس وقت جنوبی ایشیا اور خاص طور پر افغانستان کے حوالے سے مختلف امور پر غور کررہے ہیں اور مناسب وقت پر وہ امریکی عوام کو اور اپنے اتحادیوں کو نئی پالیسی سے آگاہ کردیں گے۔
بانی تحریکِ انصاف کو "جیل کی حقیقت" سمجھانے کی کوشش۔
Apr 19, 2024