موسمیاتی تبدیلی کی وجہ سے جوہری تبدیلی آئی ہے،  فرحت اللہ بابر

اسلام آباد(نمائندہ خصوصی)پاکستان پیپلز پارٹی انسانی حقوق سیل کے صدر و سابق سینیٹر فرحت اللہ بابر کہا کہ پانی ایک بنیادی انسانی حق ہے، پانی کا مسئلہ سب کے سامنے ہے، موسمیاتی تبدیلی کی وجہ سے جوہری تبدیلی آئی ہے، انڈس ہماری لائف لائن ہے جس کے بغیر پاکستان کا گزارا نہیں ہو سکتا، گزشتہ دس سالوں میں 65 فیصد زیادہ گلیشئر پگھل رہے ہیں ، انڈس کا انحصار انہی گلیشئرز پر ہے، تمام صوبوں کو یہیں سے پانی میسر ہوتا ہے، پانی کم ہو رہا ہے ،موسمیاتی تبدیلی کی وجہ سے بارشیں کم ہوئی ہیں، دوسری طرف آبادی بھی بڑھ رہی ہے، ایک طرف پانی کم ہو رہا ہے دوسری طرف پنجاب میں چھ نہریں بن رہی ہیں، سندھ اور پنجاب میں پانی کا مسئلہ بن رہا ہے،1991 کا معاہدہ تمام کی مشاورت سے ہوا تھا،اب  اس میں اپنی مرضی نہیں کر سکتے ، چھ نہریں بنا رہے ہیں بتائیں پانی کہاں سے لے رہے ہیں ؟جواب ملتا ہے ہمیں ارسا نے سرٹیفکیٹ دیا ہے ، ارسا میں سندھ کا ممبر ہی نہیں ہے، پانی پر صوبوں کی لڑائی نہیں،ابھی تک پانی کا مسئلہ مشترکہ مفادات کونسل میں لیکر کیوں نہیں گئے ؟