نجکاری کمیشن بورڈ اجلاس، لین دین کے سٹرکچرز پر تبادلہ خیال

 اسلام آباد(خبرنگار)نجکاری کمیشن بورڈ کا 233 واں اجلاس نجکاری کمیشن میں وزیراعظم کے مشیر برائے نجکاری اور نجکاری کمیشن کے چیئرمین محمد علی کی صدارت میں اختتام پذیر ہوا بورڈ نے روزویلٹ ہوٹل کارپوریشن  نیویارک کی نجکاری کے لیے مالیاتی مشیر، جے ایل ایل کی قیادت میں قائم کنسورشیم، کے تیار کردہ لین دین کے سٹرکچرز پر تبادلہ خیال کیا اور کابینہ کمیٹی برائے نجکاری (CCOP) کو پیش کرنے کے لیے لین دین کے سٹرکچرز سے متعلق اپنی سفارشات کو حتمی شکل دی۔ بورڈ نے ZTBL کی نجکاری کے لیے فنانشل ایڈوائزر کی تقرری کے بولی کے عمل کوبولیوں کے زیادہ ہونے کے باعث منسوخ کرنے کا فیصلہ کیا اور فنانشل ایڈوائزر کی خدمات حاصل کرنے کے لیے دوبارہ اشتہار دینے کی ہدایت کی۔ بورڈ نے تین ڈسکوز یعنی فیسکو، گیپکو اور آئیسکو میں نجی شعبے کی شراکت کے لیے جاری عمل کے لیے ایک ٹرانزیکشن کمیٹی کی منظوری بھی دی۔