بیٹے کی پیدائش کے بعدثانیہ مرزا کی جم میں واپسی
لاہور (سپورٹس ڈیسک )بیٹے کی پیدائش کے بعد بھارتی ٹینس سٹار ثانیہ مرزا کی جم واپسی ہو گئی، انہوں ورک آوٹ کی تصویر سوشل میڈیا پر شیئر کر ڈالی۔30 اکتوبر کو ماں بننے والی بھارتی ٹینس سٹار ثانیہ مرزا نے دو روز قبل 32 ویں سالگرہ اپنے نومولود بیٹے اذہان اور شوہر شعیب ملک کے ساتھ منائی تھی اور اب انہیں اپنی فٹنس کا بھی خیال واپس آگیا۔بھارتی ٹینس سٹار ثانیہ مرزا نے کئی مہینوں کے بعد جم میں دوبارہ ورک آوٹ کیا جس کی تصویر سوشل میڈیا پر شیئر کرتے ہوئے انہوں نے کہا کہ اس وقت وہ ایسا محسوس کررہی ہیں جیسے کوئی بچہ ٹافی کی دکان میں محسوس کرتا ہے۔کافی عرصے بعد ورزش کر کے وہ بہت خوش ہیں۔ مجھے کبھی نہ کبھی تو اس کی شروعات کرنی تھی تو کیوں نہ میں اپنی سالگرہ سے کروں۔اس ٹوئٹ پر کچھ صارفین نے انہیں بچے کی پیدائش کے بعد اتنی جلدی جم جانے کے نقصانات سے آگاہ کیا اور مشورہ دیا کہ وہ دو تین ہفتے رک جاتیں تو ان کی صحت کے لئے اچھا تھا۔