ڈنمارک میں مقیم پاکستانی اور کشمیری کمیونٹی کا پاک فوج کیساتھ اظہار یکجہتی ، فتح کا جشن منایا

ڈنمارک (عظیم ڈار) ڈنمارک میں مقیم پاکستانی اور کشمیری کمیونٹی کا پاک فوج کیساتھ یکجہتی کا اظہار کرتے ہوئے بھارت کیخلاف جنگ میں فتح کا جشن منایا۔ای یو پاک فرینڈ شپ فیڈریشن ڈنمارک اور پاکستان سول سوسائٹی ڈنمارک کے اشتراک سے افواج پاکستان کیساتھ اظہار یکجہتی اور یوم تشکر منانے کیلیے ڈنمارک میں منعقدہ اجتماع میں خواتین ، بچے سیاسی سماجی کاروباری مذہبی اور رفاہی حلقوں کی شخصیات شریک ہوئیں۔پروگرام میں مقامی کونسلرز میئر ڈپٹی میئر اور دیگر شخصیات بھی شریک ہوئیں ، ای یو پاک فرینڈ شپ فیڈریشن ڈنمارک کے صدر بابر خان اور پاکستان سول سوسائٹی ڈنمارک کے قائ مقام صدر امیر مختار نقوی اور چوہدری افضال آف ڈھل نے پروگرام کو آرگنائز کیا۔پاکستان کی عظیم فتح کو ڈنمارک میں کیک کاٹ کر منایا گیا ، اس موقع پر شرکاء نے پاکستان زندہ باد اور افواج پاکستان زندہ باد کے نعرے لگائے۔پروگرام میں ای یو پاک فرینڈ شپ فیڈریشن یورپ کے چیئرمین صدارتی ایوارڈ تمغہ خدمت ڈاکٹر چوہدری پرویز اقبال لوہسر نے بطور مہمان خصوصی شرکت کی جبکہ میاں منیر مہمان خاص تھے۔