ہائیکورٹ کا ترمیمی روسٹر جاری‘  5 جولائی تک نافذ العمل

لاہور (خبر نگار) چیف جسٹس ہائیکورٹ جسٹس عالیہ نیلم کی منظوری سے ترمیمی روسٹر جاری کردیا گیا جو 5 جولائی تک نافذ العمل رہے گا ۔پرنسپل سیٹ لا ہور پر سوموار سے 26 جج مقدمات کی سماعت کریں گے ،12 ڈویژن بنچ سول اور فوجداری اپیلوں،26 سنگل بنچ حکم امتناعی، ضمانت، اندراج مقدمہ سمیت کیسز کی سماعت کریں گے، چیف جسٹس عالیہ نیلم اور جسٹس عبہر گل خان پر مشتمل بنچ ہر قسم کے کیسوںکی سماعت کرے گا، جسٹس عابد عزیز اور جسٹس عاصم حفیظ پر مشتمل بنچ ٹیکس اپیلوں، جسٹس شمس محمود مرزا اور جسٹس عابد حسین چٹھہ پر مشتمل بنچ بنکنگ اور کمرشل اپیلوں، جسٹس شہباز رضوی اور جسٹس طارق محمود باجوہ پر مشتمل بنچ نیب، انسداد دہشت گردی سمیت اپیلوں، جسٹس فیصل زمان اور جسٹس خالد اسحاق پر مشتمل بنچ سول اپیلوں، جسٹس مسعود عابد نقوی اور جسٹس ساجد محمود سیٹھی پر مشتمل بنچ سول اپیلوں، جسٹس شاہد کریم اور جسٹس انوار حسین پر مشتمل بنچ سول اور بنکنگ اپیلوں، جسٹس چوہدری محمد اقبال اور جسٹس وقار حیدر اعوان پر مشتمل بنچ سول اپیلوں، جسٹس اسجد جاوید گھرال اور جسٹس محمد وحید خان پر مشتمل بنچ فوجداری اپیلوں، جسٹس فاروق حیدر اور جسٹس علی ضیاء باجوہ پر مشتمل بنچ قتل اور فوجداری اپیلوں، جسٹس محمد طارق ندیم اور جسٹس محمد جواد ظفر پر مشتمل بنچ منشیات اور فوجداری اپیلوں، جسٹس سلطان تنویر احمد اور جسٹس حسن نواز مخدوم پر مشتمل بنچ بنکنگ اور کمرشل اپیلوں پر سماعت کرے گا۔