میں ڈبلز میں ثانیہ مرزا کے ساتھ اپنا پئیر بنانا چاہوں گی:سارہ محبوب
لاہور:پاکستان نمبر ون ٹینس پلئیر سارہ محبوب نے ثانیہ مرزا کے ساتھ ڈریم پئیر بنانے کی خواہش کا اظہار کر دیا۔
پاکستان کی ٹاپ ٹینس پلئیر سارہ محبوب نے اپنے ڈریم پئیر بتا دیئے۔ ان کا کہنا تھا کہ میں ڈبلز میں ثانیہ مرزا کے ساتھ اپنا پئیر بنانا چاہوں گی۔ثانیہ مرزا نے بھارت کی مسلم پلئیر کی حیثیت سے بہت کچھ حاصل کیا،وہ خطے کی ویمن ٹینس پلئیرز کے لیے متاثر کن شخصیت ہیں،میں ثانیہ مرزا کے ساتھ پئیر بنا کرولیمز سسٹرز کے خلاف کھیلنا چاہوں گی، سرینا ولیمز اور وینس ولیمز کی ڈبلز میں کامیابیاں غیر معمولی ہیں۔
ان کا مزید کہنا تھا کہ راجر فیڈرر میرے آئیڈیل کھلاڑی ہِیں ، مکسڈ ڈبلز میں ان کے ساتھ پئیر بناوں گی۔ خواہش ہے کہ مکسڈ ڈبلز میں راجر فیڈرر کےساتھ مل کر رافیل نڈال اور ماریا شراپووا کا مقابلہ کروں۔
