اے قائداعظم کے وطن عید مبارک

18 جولائی 2015

اے قائداعظم کے وطن عید مبارک
اے قائداعظمؒ کے وطن عید مبارک
جلتے ہوئے اے میرے چمن عید مبارک
اقبال نے دیکھے تھے تیرے خواب سنہرے
جناح نے اس خواب میں پھر رنگ بکھیرے
قربانیاں دے کر تجھے مشکل سے بنایا
ہر کوچہ و بازار لہو دے کے سجایا
حاکم تیرے افسوس کہ جتنے بھی ہیں آئے
ڈیموں کے فقط باغ ہی سب نے ہیں دکھائے
کن لوگوں نے چھینا اے وطن تیرا اجالا
بجلی ہے نہ پانی ہے نہ روٹی کا نوالہ
سرکار نے فرمایا تھا اللہ سے ڈرنا
اے مومنو قرآن کو مضبوط پکڑنا
پاکیزہ رہیں قلب و دہن عید مبارک
(جاوید احمدعابد شفیعی)