سعودی عرب کی وزارت انصاف نے انکشاف کیا ہے کہ دستاویزات کے مرکزی شعبے نے اکتوبر 2020 سے تقریباً 1.2 ملین درخواستوں کی جانچ اور تصدیق کرنا شروع کر دی ہے۔ ان میں ایک لاکھ 59 ہزار آن لائن شادی کے معاہدے اور ریئل اسٹیٹ ڈیڈ کو اپ ڈیٹ کرنے کی 200,000 درخواستیں شامل ہیں۔وزارت انصاف نے وضاحت کی کہ درخواستوں کی فہرست میں اداروں کے اکاو¿نٹس کا اندراج، شادی کے معاہدوں کی توثیق، سماجی حیثیت کی خدمات کی دستاویزات اور دیگر شامل ہیں۔ دستاویزات کے مرکزی انتساب کا مقصد تمام دستاویزات کی خدمات کی ڈیجیٹل تبدیلی کی حمایت کرنا اور دستاویزی کارروائیوں کے لیے ایک مرکز کے قیام اور تمام آن لائن دستاویزات کی خدمات کے لیے ایک متفقہ طریقہ کار پر عمل کرتے ہوئے سمارٹ تصدیقی نظام کو فروغ دینا ہے۔اس کے ساتھ ساتھ روز مرہ امور کی انجام دہی کے لیے انسانی مدخلت پر انحصار کم کرتے ہوئے جدید ٹیکنالوجی کی سروسز سے استفادہ کرنا ہے۔دستاویزات کے لیے مرکزی انتساب وزارت انصاف کی ایجنسی برائے تصدیق اور رئیل اسٹیٹ رجسٹریشن کے آپریشنل بازو کی نمائندگی کرتا ہے جہاں نوٹریوں کے متعدد اہل کیڈرز کام کرتے ہیں اور یہ مربوط دستاویزات کے ذریعے اندرونی اور بیرونی ایجنسیوں کے ساتھ انضمام کا ایک مستقل ذریعہ بھی ہے۔قابل ذکر ہے کہ کچھ نئے اختیارات عدالتوں سے وزارت انصاف کے نوٹریوں کو منتقل کی گئی ہیں۔
بانی تحریکِ انصاف کو "جیل کی حقیقت" سمجھانے کی کوشش۔
Apr 19, 2024