وزیر داخلہ شیخ رشید احمد سے برطانیہ کے ہائی کمشنرڈاکٹر کرسچئن ن ٹرنر نے ملاقات کی جس میں پاکستان اور برطانیہ کے دو طرفہ تعلقات سمیت باہمی دلچسپی کے دیگر امور پر بات چیت کی گئی ملاقات میں سزا یافتہ شہریوں کی واپسی اور مجرمان کی حوالگی سے متعلق پاک برطانیہ معاہدوں پر پیشرفت کا جائزہ لیا گیا ملاقات میں پاک برطانیہ دو طرفہ معاہدوں کو جلد حتمی شکل دینے اور جلد دستخط کرنے پر اتفاق بھی کیا گیا وزیرِ داخلہ شیخ رشید احمد اور برطانوی ہائی کمشنر کرسچئن ٹرنر نے اس بات پر اتفاق کیا کہ معاہدے دونوں ممالک کے مشترکہ مفاد میں ہیں معاہدوں پر پیشرفت کو تیز کرنے کی ضرورت ہے باہمی معاہدوں سے تعلقات میں مزید وسعت اور مضبوطی آئیگی وزیر داخلہ نے کہا کہ برطانیہ اور پاکستان کے تعلقات انتہائی دیرینہ ہیں۔ برطانیہ کے ساتھ تعلقات کو قدر کی نگاہ سے دیکھتے ہیں پاکستانی نژاد برطانوی شہری ہمارا بہترین قیمتی اثاثہ ہیں برطانیہ میں مقیم پاکستانی دونوں ممالک کے درمیان تعلقات کے فروغ میں بہت معاون ہیں برطانوی ہائی کمشنر نے کہا کہ پاکستان اور برطانیہ کے درمیان تعلقات انتہائی دوستانہ اور ہمہ جہت ہیں پاکستان کی افغانستان کے معاملے میں غیرملکی اور افغان شہریوں کے انخلاء میں معاونت قابل ستائیش ہے.
