کار پارکنگ کے دوران شوہر کی غلطی سے بیوی ہلاک
کارپارکنگ کے دوران ایک خاتون گاڑی کی ٹکر سے ہلاک ہوگئی۔ بھارتی فیملی معائنے کے لیے اسپتال پہنچی تو کار پارک کرتے ہوئے اہلیہ نے شوہر کی معاونت کی، وہ گاڑی کے سامنے کھڑے ہو کر قطار میں کار پارک کرنے کے لیے اشارے کررہی تھی۔ اسی اثنا میں شوہر نے غلطی سے ریورس گیئرلگانے کی بجائے ریس دے دی اور کار تیزی سے آگے بڑھتے ہوئے خاتون کو جا لگی۔ دیوار اور کار کے درمیان خاتون کچل گئی اور موقع پر ہی دم توڑ گئی۔ 45 سالہ خاتون کی حادثی موت کا سن کر اہل خانہ اور کمیونٹی کو شدید صدمہ پہنچا۔ پولیس نے واقعے کی تفتیش شروع کر دی ہے اور ابتدائی شواہد سمیت عینی شاہدین کے بیانات حاصل کیے ہیں۔ اس معاملے میں بھارتی قونصل خانہ بھی پولیس کی معاونت کررہا ہے اور دکھ کی اس گھڑی میں سوگوار خاندان سے اظہار ہمدری کیا ہے۔
