کراچی (رپورٹ: صوفیہ یزدانی) حزب المجاہدین کو دہشت گرد تنظیم قرار دے کر امریکہ نے دوسری حماقت کی ہے امریکی محکمۂ خارجہ کے اس آرڈر سے مجھے اور حزب المجاہدین کو کوئی فرق نہیں پڑے گا اور ہم پہلے سے زیادہ کام کریں گے اِن خیالات کا اظہار حزب المجاہدین کے سربراہ سیّد صلاح الدین نے امریکہ کی جانب سے حزب المجاہدین کو دہشت گرد قرار دینے کے فیصلے پر اپنے ردّعمل کا اظہار کرتے ہوئے کیا۔ نوائے وقت سے بات چیت کرتے ہوئے انہوں نے کہا کہ یہ فیصلہ امریکی کانگریس کا نہیں بلکہ اِن کی وزارت خارجہ کا انتظامی آرڈر ہے اس آرڈر کے ذریعے مجھے اور حزب المجاہدین کو دہشت گرد قرار دینے کی کوئی قانونی حیثیت نہیں ہے‘ امریکی وزارت خارجہ کا فیصلہ امریکی حدود کے اندر تو لاگو ہو سکتا ہے لیکن باہر ہیں۔ انہوں نے اس فیصلے کو امریکہ کی بے اُصولی‘ بے ضمیری اور دوہرا معیار قرار دیا۔ انہوں نے کہا کہ حزب المجاہدین جموں و کشمیر کے نوجوانوں کی سب سے بڑی تنظیم ہے جس کی پوری تاریخ دہشت گردی سے پاک ہے اس کے باوجود امریکہ نے بھارت کی مودی انتظامیہ کو خوش کرنے کیلئے یہ کارروائی کی ہے جو عالمی اُصولوں‘ عالمی ضوابط اقوام متحدہ کے چارٹر اور مسئلہ کشمیر کے حل کیلئے اقوام متحدہ کی 18 قراردادوں کے خلاف ہے۔

صلاح الدین