الیکشن کمشن نے نوازشریف کا نام مسلم لیگ ن کی صدارت سے نکال دیا

18 اگست 2017

اسلام آباد(صباح نیوز) الیکشن کمشن نے سیاسی جماعتوں کی نئی فہرست جاری کی ہے جس میں پاکستان کی سب سے بڑی سیاسی جماعت مسلم لیگ ن کی صدارت کا عہدہ خالی رکھا گیا ہے۔ الیکشن کمشن نے 345سیاسی جماعتوں کی نئی فہرست جاری کردی ہے جس میں ملک کی سب سے بڑی جماعت مسلم لیگ ن کا نمبر 215واں ہے۔الیکشن کمشن نے نئی فہرست میں نوازشریف کا نام(ن)لیگ کی صدارت کے عہدے سے نکال دیا اور اب جماعت کی صدارت کا عہدہ خالی قرار دے دیا گیا ہے۔ترجمان الیکشن کمشن کے مطابق نئی فہرست کے جاری ہونے سے پہلے ہی ن لیگ کو پارٹی صدارت سے متعلق خط لکھا جاچکا تھا تاہم تاحال کوئی بھی نام سامنے نہ آنے کے بعد جماعت کی صدارت کا عہدہ خالی قرار دے کر فہرست جاری کی گئی۔
الیکشن کمشن