مینا بازار حضرو میں آتشزدگی کا واقعہ انتہائی افسوسناک ،ملک امین اسلم 

 حضرو (نمائندہ  نوائے وقت)سابق وفاقی وزیر ملک امین اسلم خان نے کہا کہ مینا بازار حضرو میں آتشزدگی کا واقعہ انتہائی افسوسناک اور دکھ کا باعث ہے لہذا سرکاری اداروں سمیت سول سوسائٹی کے افراد کو چاہیے کہ وہ رضا کارانہ طور پر اپنی جانب سے تاجروں کے نقصان کے ازالہ کے لئے اپنا کردار ادا کریں ان خیالات کا اظہار انہوں نے گزشتہ دو روز قبل مینا بازار حضرو شہر میں شاٹ سرکٹ کی وجہ سے جلنے والی کراکری ، زرگر اور شوز کی دکان کے مالکان سے اظہار ہمدردی کے موقع پر گفتگو کرتے ہوئے کیا حضروشہر کے گنجان آباد تجارتی مرکز مینا بازار میں شارٹ سر کٹ کی بنا پر لگنے والی آگ جس کے سبب جیولری ، شوز اور کراکری وغیرہ کی دکا نیں جل کر خاکستر ہو گئیں تھیں ملک امین اسلم مینا بازار میں آگ سے متاثرہ تاجروں سے اظہار افسوس کرنے متاثرہ دکانداروں کے پاس مینا بازار حضرو پہنچ گئے اس موقع پر انجمن تاجران کے صدر ملک محمد رفیق محمود خان پروفیسر ملک اغظم خالد پروفیسر صفدر خاں ملک اجمل فاضل خان طارق ٹوانہ ملک ثمر عباس بھی موجود تھے ملک امین اسلم نے نے اس موقع پر ڈی سی اٹک کو بھی فون پر منیا بازار میں آگ سے متاثرہ تاجروں کے نقصان کے ازالے کے لئے اپنا کردار ادا کرنے کی اپیل کی اور کہا وہ متاثرہ تاجروں کی بحالی کے لیے حکومت پنجاب سے بھی بات کریں گے انہوں نے تاجروں سے بھی اپیل کی کہ تمام تاجران بھی اپنے طور پر متاثرہ تاجروں سے مکمل تعاون کریں ان تاجروں سے جن کا نقصان ہوا ہے،جس میں جیولری ، شوز  اورکراکری کی دوکانوں کا ڈھائی کروڑ روپے سے زائد کا نقصان  ہو ا ہے ، اللہ تعالی ان تاجروں کی اپنے غیبی خزانوں سے  مدد فرمائے ملک امین اسلم نے کہا کہ میری پوری کوشش ہوگی کہ آگ سے متاثرہ تاجروں کی بحالی کے لئے اعلی حکام سے ملاقات بھی کروں گا انہوں نے کہا اچانک پیش جانے والے حادثہ سے متاثر تاجر بروقت اپنا کاروبار شروع نہیں کر سکتے اس لیے سرکاری اداروں سمیت سول سوسائٹی کے مخیر حضرات کو رضاکارانہ طور پر ان تاجروں سے تعاون کرنا چاہیے صدر انجمن تاجران حضرو ملک محمد رفیق اور متاثرہ تاجروں نے ہمدردی کرنے پر ملک امین اسلم کا شکریہ ادا کیا۔