ہری پور میں اسکول کی طالبات کے لیے عبایا کو لازمی قرار دیے جانے کا حکم نامہ منسوخ کردیا گیا۔

نجی نیوز کے مطابق گزشتہ روز ڈسٹرکٹ ایجوکیش آفیسر فی میل پشاور نے ایک سرکلر جاری کیا تھا جس میں ضلع ہری پور میں اسکول کی طالبات کے لیے عبایا یا چادر لینے کو لازمی قرار دیا گیا تھا۔

اس حوالے سےنجی نیوز چینل سے گفتگو کرتےہوئے صوبائی مشیر ضیاء بنگش نے کہا تھا کہ اس فیصلے کو پورے صوبے میں نافذ کریں گے جب کہ صوبائی وزیراطلاعات شوکت یوسفزئی کا کہنا تھا کہ عبایا کو لازمی قرار نہیں دیا گیا۔

وزیراعظم سے خواتین پارلیمنٹرینز کی ملاقات، اپنے علاقائی مسائل، ترقیاتی منصوبوں سے آگاہ کیا

تاہم اس خبر پر وزیراعلیٰ خیبرپختونخوا نے ایکشن لیتے ہوئے سیکریٹری ایجوکیشن کو نوٹی فکیشن منسوخ کرنے کی ہدایت کی تھی۔

وزیراعلیٰ خیبرپختونخوا محمود خان کی ہدایت پر ڈسٹرکٹ ایجوکیشن آفیسر نے اس نوٹی فکیشن کو منسوخ کردیا ہے۔

ڈی او پشاور کی جانب سے ایک اور سرکلر جاری کیا گیا ہے جس میں گزشتہ روز کے حکم کو واپس لینے کہا گیا ہے۔